ISINQUMO seNkantolo yoMthethosikelo yaseNingizimu Afrika, sokugweba izinyanga ezingu-15 owayenguMengameli wakuleli, uMnuz Jacob Zuma, sihoxisiwe okwesikhashana kulandela ukuphasiswa kwesicelo sakhe sokubuyekezwa kwalesi sinqumo eNkantolo eNkulu yaseMgungundlovu.
Kusasa bekuwusuku lokugcina lomnqamulajuqu abebekelwe wona wezinsuku ezinhlanu obekumele zingapheli engazinikelanga emaphoyiseni.
Ngokwesitatimende esithunyelwe yiNkantolo yoMthethosisekelo kwabezindaba, kulindeleke ukuthi isicelo sikaZuma silalelwe ngoMsombuluko kaJulayi 12 ngo-9 ekuseni.
Siqhuba sithi uma kukhona abaphikisayo kumele kushaye uLwesibili kaJulayi 6, sebezilethile izitatimende zabo ezifungelwe.