UMNTWANA uThembi Zulu-Ndlovu ongudadewabo weSilo esakhothama uzofihlwa eMadadeni, eNewcastle ngoLwesine.
Lokhu kudalulwe inhlangano yakhe engenzi nzuzo, iPrincess Thembi KaBhekuzulu Foundation ngoMsombuluko.
Ngokusho kwale nhlangano, izinhlelo zokufihlwa kwakhe zizobe zibandakanya amabutho kaZulu. Izinhlelo zokumvalelisa zizoqala ngoLwesithathu ziphothulwe ngosuku azotshalwa ngalo.
UMntwana uThembi udlule emhlabeni esesibhedlela esiseNewcastle ngoLwesihlanu. Lokhu kuze emva kokuba exinwe ukugula isikhashana.
UMntwana uThembi wayengomunye wababephikisa esidlangalaleni ukuqokwa kweSilo uMisuzulu kaZwelithini njengeSilo esilandelayo, kulandela ukukhothama kukayise nyakenye.