KUGWAZWE kwabulawa owesifazane obeyovakashela isoka lakhe eHlokozi eHighflats ngeSonto.
Umufi, uNksz Ntathu Nzimande kuthiwa utholwe engasekho esangweni kubo, kanti kusolwa ukuthi uhlaselwe abantu abangaziwa endaweni yesigameko.
Kuthiwa ngayizolo ubekade ehambe washiya ingane yakhe encane, wayovakashela isoka.
Okhulumela amaphoyisa KwaZulu-Natal uLieutenant Colonel Nqobile Gwala, uthe amaphoyisa aseHighflats aphenya icala lokubulala kulandela isigameko sokubulawa kowesifazane esenzeke ngo-Okthoba 16.
“Ngezithuba zawo-9 ekuseni amaphoyisa athole umyalezo owabizela endaweni yesigameko. Athe uma efika athola isidumbu sowesifazane oneminyaka engu-23 sinamanxeba amabili okugwazwa esifubeni. Imbangela yokubulawa kwakhe ibingakaziwa,” kusho uGwala.