UTHANDO lwabafi oMnuz Sibusiso Lawrence Ntaka noNksz Nontobeko Cele belugubuzelwe yizinkinga nesikhwele esingalawuleki.
* Bobabili kuvela ukuthi bebengathembani, bekhwelezelana, omunye ehlala efuna ukuthi omunye aveze ubufakazi bokuthi lapho ekhona akenzi lutho olubheke eceleni.
* Bekushunqa intuthu yokuthi nakuba uthando luhambe lwaze lwafika ekutheni babe umyeni nengoduso kodwa ingane eyavela bethandana akuyona eyabo bobabili.
* NgoMeyi nonyaka umyeni wayishayisa ngemoto ingoduso, emva kwengxabano, yalimala kanzima yaze yayolala esibhedlela.
* Kuvele nangesigameko okuthiwa senzeka emqashweni kathisha KwaDukuza lapho umndeni wengoduso uthe wayikhiphela ummese, owomyeni uthi ingoduso yawutshela ukuthi usacaze ipuleti phansi ediniwe, wangayikhuluma eyokukhishelwa ummese.
