Usesimeni esibucayi owesifazane owelwe usimende ngemuva kokushayiswa yimoto emgwaqweni onguthelawayeka, uN3, ngase-Ashburton, ngoMsombuluko ntambama.
Imibiko iveza ukuthi owesifazane oneminyaka engu-30 ubudala, osebenza njengomakhi, ushayiswe yiveni elincane elidilivayo wambozwa yizikhwama zikasimende.
Okhulumela abezimo eziphuthumayo, uShawn Herbst, uthi bafike endaweni yesigameko bathola lo wesifazane esesimeni esibucayi.
“Welashelwe endaweni yesigameko ngaphambi kokuphuthunyiswa esibhedlela ngendiza enophephela emhlane,“ kusho uHerbst.