Umkhuzi wamaphoyisa aseLimpopo uLieutenant General Thembi Hadebe useyalele amaphoyisa ukuthi athungathe futhi abophe ngokushesha owesilisa osolwa ngokudubula abulale umkakhe esesontweni ngoMgqibelo.
Lesi sigameko kuthiwa senzeke eMadonde Shadani ngabo-6 ntambama ngoMgqibelo.
Kubikwa ukuthi umsolwa ungene emagcekeni esonto ngesikhathi ibandla lisadumisa wadubula umkakhe ephindelela (45) waphelela endaweni yesigameko.
Ngokwesitatimende samaphoyisa, umsolwa ongaziwa iminyaka yakhe, ubaleke ngeToyota Corolla e-sivler grey.
Amaphoyisa athe yize imbangela yalokhu ingaziwa kodwa ngeke akuchithe ukuxabana kwezithandani njengesizathu.
Amaphoyisa anxuse noma ubani ongaba nolwazi olungasiza ukuthi kuboshwe umsolwa ukuthi ashayele umphenyi wecala uSergeant Mashamba Mbangiseni ku-079 424 3573 noma ku-08600 10111 okanye abikele isiteshi asize samaphoyisa.