SIBI isimo kumshayeli weloli eliginqike nomthwalo emgwaqweni uM7, eThekwini.
Ingozi yenzeke ngoMsombuluko ngezithuba zika-5:20 ntambama emgwaqweni uM7, buqamama nejika elingena kuN2 eRidgeview.
Kuthiwa umshayeli ubehambisa amashidi ekhopha ngesikhathi ehluleka ukulawula iloli lase liyaginqika kule ndawo.
“Bekukhona izinkampani ezahlukene zabezimo eziphuthumayo endaweni yesigameko zizama ukulekelelana ukuze kukhishwe umshayeli obevaleleke elolini,” kusho uShawn Herbst, okhulumela abeNetcare 911.
UHerbst uthe kusetshenziswe udlawu ukuvulwa iloli ukuze kutakulwe mshayeli. Uthe umshayeli ulashelwe endaweni yesigameko anduba adluliselwe esibhedlela.