BABILI abantu abaphekwa ngemibuzo ngemuva kokuthi kuphume izidumbu kudutshulwana endaweni yokucima ukoma elokishini lasePienaar, eMpumalanga.
Ngezithuba zabo-04h00 ekuseni, kube nesigameko sokudubula ePienaar lapho abantu abayisithupha (06) badutshulwe bashona endaweni yesigameko (oyedwa wesifazane kanye nabesilisa abahlanu) ngenkathi ezinye izisulu ezimbili (owesilisa nowesifazane) ziphangalalele esibhedlela ngenxa yamanxeba okudutshulwa.
Ezinye izisulu ezintathu (abesilisa ababili nowesifazane) zithola ukwelashwa ngemuva kokuthola imihuzuko ngesikhathi sesigameko.
Kuphinde kwatholakala izimoto ezimbili zohlobo lwe-VW Polo endaweni yesigameko nezimbobo zezinhlamvu kwathi oyedwa wabashonile utholwe eshonile ngaphakathi kwenye yezimoto.
Yize ingakaqinisekiswa imbangela yalokhu kodwa imibiko evela endaweni yesigameko iveza ukuthi kuhlangane amaqembu amabili ezigebengu kwaqophiswana ngenhlamvu.