UNGENE ehlazweni owayengumgadli weKaizer Chiefs amaphoyisa ethola ukuthi umuzi wakhe usetshenziswa njengesidleke sokukhiqizia izidakamizwa eHillside, eGoli.
NgokweSowetan, amaphoyisa agasele ekhaya lale nkakha ngoLwesithathu ekuseni batholwa ukuthi kunegumbi obekukhiqizelwa kulo imandrax.
Okhulumela amaphoyisa kuzwelonke, uColonel Brenda Muridili uziqinisekisile izindaba zokuboshwa kowayengumgadli weKaizer Chiefs. Uthe kuboshwe nabanye abathathu ababanjwe kuwo lo muzi.
Abasolwa amagama abo awakadalulwa njengoba bengakaveli enkantolo.
Esitatimendeni, obambe izintambo kwesokuba nguKhomishana wamaPhoyisa kuleli, uLietenant General Stefan Schutte ushaye amaphoyisa ihlombe ngokubambisana emzamweni yokwehlisa isihlava sokusatshalaliswa kwezidakamizwa kuleli.
Abasolwa kulindeke ukuthi bavele enkantolo namhlanje.