UNGQONGQOSHE wezamaZwe angaPhandle ezweni laseNigeria uMnuz Geoffrey Onyeama uzwakalise ukungahambisani nodlame olubhekiswe kubantu bokufika kuleli ngoMsombuluko.
Lokhu kulandela uxhaxha lwezigameko zokutatshwa kwempahla nokushiswa kwezitolo zabantu bokufika okusabalale esifundazweni saseGauteng kusukela ngeledlule. Lezi zigameko ziqale ngemuva kokudutshulwa kubulawe umshayeli wetekisi ePitoli ngesikhathi benomkhankaso wokulwa nokusetshenziwa kwezidakamizwa.
U-Onyeama ukuzwakalise lokhu enkundleni u twitter ngesikhathi efaka umbhalo othi, izwe laseNigeria lizothatha izinyathelo ngodlame olubhekiswe kubantu baseNigeria eNingizimu Afrika.
"Ngithole izindaba ezinyantisayo nezikhathazayo zokushiswa nokutatshwa kwempahla ezitolo zabantu baseNigeria eNingizimu Afrika. Lesi senzo senziwa izigebengu ezinamaphoyisa angasebenzi. Sekwanele manje. Sizothatha izinyathelo ezinqala," kusho u-Onyeama.
Omunye umbhalo ufakwe yikhasi likahulumeni waseNigeria ku twitter naye othembise ukuthatha izinyathelo ezinqala ngalesi senzo.
"Ukuhlaselwa kwabantu baseNigeria namabhizinisi abo eNingizimu Afrika akwamukelekile. Sekwanele. INigeria izothatha izinyathelo ukuqinisekisa ukuphepha kwabantu bayo," kusho umbhalo.
Inhlangano elwela amalungelo abantu iRight2Know igxeke ubuholi bezwe ngodlame olubhekiswe kwabokufika. Esitatimendeni esikhishwe yile nhlangano ngoMsombuluko, igxeke iMeya yaseGauteng uMnuz Herman Mashaba, inkosi yesizwe samaZulu uMnuz Goodwill Zwelithini kanye noMengameli wezwe uMnuz Cyril Ramaphosa.
"Siyaqonda ukuthi ziningi izizathu zalolu dlame kodwa kuyasicacela ukuthi izitatimende zokucasuka nokujezisa ezikhishwa ubuholi bezwe kuzona zonke izinhlaka (iKhabhinethi, iPhalamende, isifundazwe saseGauteng kanye namaphoyisa) yizona ezibhebhethekise lolu dlame. Izakhamizi lokhu zikuthathe njengelayisensi yokuzithathela umthetho ezandleni zawo," kusho isitatimende.
NgoLwesibili amaphoyisa aseGoli abike ukuthi sekuboshwe abantu ababalelwa ku-90 ngalezi zigameko.
%%%twitter https://twitter.com/hashtag/SouthAfrica?src=hash&ref_src=twsrc%5Etfw">#SouthAfricaby mindless criminals with ineffective police protection. Enough is enough. We will take definitive measures. @NigeriaGov @DigiCommsNG @GovernmentZA @DIRCO_ZA
— Geoffrey Onyeama (@GeoffreyOnyeama)
The continuing attacks on Nigerian nationals and businesses in South Africa are unacceptable. Enough is enough. Nigeria will take definitive measures to ensure safety and protection of her citizens. (1/2)
— Government of Nigeria (@NigeriaGov) September 2, 2019