IQEMBU le-IFP lithi lizwile nge-video ezungeza ezinkundleni zokuxhumana yomngcwabo wekhansela laku-ward 11, uMnuz Siyanda Magubane.
Kule video kuzwakala ikhansela uNtuli elalisemotweni ngesikhathi behlaselwa noMagubane ekhomba imeya ukhansela uMlethi Ndlovu, njengongqondongqondo wokuhlaselwa kwabo.
UNtuli ukhulume ethendeni kugcwele abantu ukuthi abasolwa ababehlasela babehamba ngemoto yayo imeya.
Leli qembu lithi likuthathela phezulu lokhu futhi unobhala-jikelele ujube iqembu elihlanganisa amalungu wesigungu esiphezulu ukuba liphenyisise ngesitatimende isikaNtuli sokusola iMeya uNdlovu.
Kuthiwa leli thimba lizobuyisela umbiko kunobhala-jikelele kungakadluli uMsombuliko, ngoSepthemba 26, kwephezulu.