I-ANC izogubha impilo yesishoshovu esiyingqalabutho kaKhongolose, umama Albertina Sisulu.
Le migubho izoholwa nguMengameli Cyril Ramaphosa, ehambisana nobuholi bale nhlangano. URamaphosa uzohlonipha le ngqalabutho ngemikhankaso ehlukene.
Kuyona kubalwa ukubekwa kwezimbali, ukuhlanza izindawo ezithile neminye.
Kuzoba nesifundo ngale ngqalabutho eyayingumhlengikazi, nomholi kule nhlangano.
Isitatimende esikhishwe nguNobhala jikelele we-ANC, uMnuz Fikile Mbalula, sithe umama Sisulu waba ngumholi ophikweni lwabesifazane lwe-ANC.
Sithe kuzogujwa impilo yalesi sishoshovu neqhaza laso ekulweleni amalungelo abesifazane nokufukula abantu bakuleli.
Imigubho yalesi sishoshovu izoqala namhlanje ngokubekwa kwezimbali emathuneni i-Croesus Cemetery.
Kuzobe sekuhlanzwa izindawo ezehlukene okubalwa i-Mandela Sisulu Clinic, Shanty Clinic, Albertina Sisulu Special School.
Kuzobe sekuba nesifundo ehholo i-Uncle Tom Hall, eSoweto.