BASINDE engozini yemoto bebuya ecaleni lowayengumengameli wakuleli uMnuz Jacob Zuma, abalandeli bakhe abashayisane nenye ngasePavillion ngoLwesihlanu.
Omunye wabasindile nguMnuz Sfiso Xulu onguSihlalo weKwaZulu Chess naye ongomunye wabanobudlelwano obuqinile noZuma. Ubhale ekhasini likaFacebook wakhe efake nezithombe ebonga ukusinda engozini.
Kwenye ingozi eyenzeke kuN3 ngakuSpaghetti Junction ngoMgqibelo ebusuku kuthiwa kushone umshayeli.
Ngawo uMgqibelo ebusuku imoto igingqike yachitha umshayeli emgwaqeni uM19 ePinetown eThekwini, washonela endaweni yesigameko. Kuphinde kwashona omunye umshayeli entathakusa yayizolo imoto iphaphalaza kuN2 ngaseGalleria Mall, kwalimala abane.