UKUWINA kwentokazi yaseKapa ku-Miss SA eyisithulu kwenze abantu abaningi kuleli bakuthakasele kakhulu lokhu ngethemba lokukhuthazeka kwezingane eziphila ngokukhubazeka. Ibhodi lezilimi kuleli lithi likuthakasele ukubona okuhle okuzovela kule ntokazi ekuqhakambiseni ulimi lwezandla kuleli.
UMia le Roux oneminyaka engu-28 ubudala waseKapa uthathe lesi sicoco ngoMgqibelo ebusuku eSunBet Arena, eTime Square ePitoli, uqophe umlando njengozime wokuqala wakuleli othatha lesi sicoco ophila nokukhubazeka.
Le ntokazi isebenza njengeMarketing Manager kwenye yamabhizinisi amancane eKapa, kanti yenza izifundo ze-Bachelor of Commerce in Marketing e-Unisa.
Ngesikhathi amukela lesi sicoco, uMia uthe uzezwa ethobeke kakukhu ngokuthola leli thuba nokuthi iNingizimu Afrika ibeke ithemba layo kuyena.
“Ngisakhula, ngangingakaze ngicabange ukuthi umuntu ofana nami angake athole isicoco sika-Miss SA. Lokhu kusho lukhulu kumantombazane amancane ngokuzethemba ngokuthi noma ngabe uhlukile kodwa ungawafeza amaphupho akho.”
Le ntokazi eyisithulu ithi umndeni, abangani nomphakathi wonkana bahlangana ndawonye ngesikhathi eneminyaka emibili bayinikelela ukuze ithole umshini wasendlebeni, yase iqeqeshwa ngosizo lwe-speech therapy iminyaka emibili ukuze akwazi ukufunda ukukhuluma.
Ukunqoba kwale ntokazi kujabulise abantu abafana nomculi uNandi Madida okhulisa indodakazi ene-Autism nabanye abaningi ababone ukunqoba kukaMia kuzoqhakambisa ulimi lwezandla kanjalo nokunikeza ithemba kubantu abaningi abakhubazekile.
Could have not said it better my sister! Congratulations to Mia Le Roux our new Miss SA representing sign langauge our 12th official langauge in SA. Chidimma has been invited to Miss Universe Nigeria she must go there and represent her people we will support her and even vote. pic.twitter.com/idKyoVXfJp
— Khalid (@Anti_ADOS) August 11, 2024
Mia Le Roux is the first Miss SA Winner who is deaf & has a cochlear implant. She will be the first contestant at the Miss Universe 2024 in Mexico with such a disability to take part in the competition. This is a compelling story that could make her win Miss Universe! #MissSA2024 pic.twitter.com/xMMuj7Bzgl
— Prof. Cam Modisane, Ph.D. (@DrCamModisane) August 10, 2024
Lesi sicoco seMowana esenziwe ngamadayimane eNungu sihambisana nemali engu-R1 million, ithuba lokusebenzisa ifulethi elinayo yonke into iBrookfield eliseRoyal eKensington, elakhiwe ngabeTricolt, unyaka wonke ethola izinsiza zasendlini kusuka esitolo iWoolworths Home nefenisha ephuma eSchönn. Uzonikezwa nemoto yohlobo lweMercedes-Benz GLC Coupé azoyisebenzisa izinyanga ezingu-12.