ZIMENYEZELIWE izimoto ezingu-10 ezibanga isicoco semoto yonyaka, i-2023 World Car of the Year (WCOTY).
Ukumenyezelwa kwalezi zimoto kuhlanganiswe nokudalulwa kweziqokwe eminxeni ehlukene.
Ziqokwe yizintatheli zezimoto ezingu-100 zasemazweni ehlukene emhlabeni jikelele.
Ewinile nezinqobe eminxeni zizomenyezelwa embukisweni wezimoto iNew York International Auto Show ngo-Ephreli.
Kwenzeka lokhu nje, sezihubela sakusha ngesicoco se-2023 South African Car of the Year (Coty).
Izimoto ezibangayo zingu-21. Zihlukaniswe ngeminxa ezizohlomula kuyo, bese kuba neyodwa evotelwa ekubeni ngeyonyaka ezomenyezelwa ngoJuni.
Kuqokwe iRenault Clio 5, BAIC Beijing X55, Nissan Qashqai, Opel Mokka, VW Taigo, Alfa Romeo Tonale, Chery Tiggo Pro 8, Honda Civic RS, Hyundai Tucson, Kia Sportage, Jeep Grand Cherokee L, Kia Sorento, Ford Everest, Ford Ranger, Isuzu D-Max, Mercedes Benz S-Class, Audi RS3 Sedan / Hatch, Audi e-tron GT/RS e-tron GT, Haval H6 Hybrid, Toyota RAV4 E-four neVolvo XC40 P8 Recharge.
Eziqokwe kwi-2023 World Car of the Year (WCOTY) yilezi:
Alfa Romeo Tonale
BMW 2 Series Coupé
BMW X1 / iX1
Honda HR-V (NA) / ZR-V (JP, CH, ASEAN)
Hyundai Ioniq 6
Kia Niro
Mazda CX-60
Mercedes-Benz C
Nissan Ariya
Nissan Z