ISIHLOKO SENCWADI: Lucky girl
UMBHALI: Irene Muchemi-Ndiritu
ABASHICILELI: The Dial Press New York
UMHLAZIYI: Mpume Nzimande
ITHOLAKALA: Exclusive Books
KUDINGA ukuthi ube nesibindi uma ufuna ukushiya intokomalo yasekhaya nokuvikeleka ngaphansi kwesandla somzali ngoba ufuna ukuzimela. Kwenzekile lokho kuSoila, ngesikhathi esefuna ukuzilawula aphume ngaphansi kwesandla sikanina onolaka.
I-Lucky girl, ilotshwe ngu-Irene Muchemi-Ndiritu, ngaphansi kwendikimba ekhanyisela intokazi ngamazombezombe empilo, nokukhuliswa emndenini wase-Afrika.
Unina kaSoila, umkhulise yedwa ngemva kokushona kukayise. Yize unina enobuntu kepha ukhonze ukusebenza kakhulu aze akhohlwe wukukhombisa imfudumalo nothando kuSoila.
Kuthi uma uSoila etheleka eNew York, amangale uma ebona umehluko empilweni yabantu abamnyama e-USA. Uhlangabezana nokucwaswa kwabantu futhi uyaphoqeleka ukuthi akhule ngokomqondo afunde ukuzibambela.
Uyaphoqeleka ukuthi ahluze umqondo wakhe ngokuqhathanisa indlela akhuliswe ngayo nempilo enezimanga nobukhazikhazi basedolobheni, laseNew York.
Ziningi ezinye izincwadi ongazithola kwabase-Exclusive Books https://www.exclusivebooks.co.za