I-Woman thou art loosed! ibhalwe nguTD Jakes, yashicilelwa yiDestiny Image
UMA usuphelelwe yithemba empilweni futhi usufuna ukuphosa ithawula, kumele ufunde incwadi kaTD Jakes, ethi Woman, thou art loosed!
Umgcotshwa weluleka abesifazane asebelahle ithemba empilweni, ukuba babuyele ezwini likaMoya oyiNgcwele. Kuthiwa akukho okwehlula umkhuleko. Phakathi kwabantu besifazane akhuluma nabo encwadini umlobi, kubalwa abayizigebengu, abahamba behlala, abangaziphathe kahle, nabahlukunyezwa kakhulu empilweni ngezindlela ezehlukene.
Umlobi ukholelwa ekutheni noma ngubani angashintsha futhi avuke azithathe inqobo nje, uma ezohamba ngemigomo kaNkulunkulu. IsiZulu sithi akundlela ingayi ekhaya. Konke kugcina kuvele obala.
Ngakho kusemqoka ukwenza izinto ngendlela efanele futhi umuntu afunde ukuzithethelela yize abanye bemgxeka noma bemthuka.
Encwadini kaJakes kuneziyalo okumele uzifunde bese uzisheba neBhayibheli.
Phakathi kwezeluleko zomlobi zezwi eliNgcwele 1 Kwabasekorinte 6 vs 35, lithi:“Ngisho lokhu ukuba kube lusizo kinina, akusikho ukuba nginigaxe ngentambo kepha ukuba nihambe ngokufaneleyo, nibambelele eNkosini ngokungaphazameki,”
Igqugquzela abesifazane ukuba bazithande futhi bafunde emaphutheni abo kepha bangazenyezi ngoba uThixo uyathethelela.
Ziningi ezinye izincwadi ongazithola kwabase-Exclusive Books https://www.exclusivebooks.co.za
