I-Betrayal, ibhalwe nguLesley Pearse, yashicilelwa yiPenguin Random House
UBALEKA nezingane ayobhaca owesifazane ngemva kokudoklozwa yibhoklolo elingumyeni wakhe. U-Eve, ubhaca esikhungweni esivikela abesifazane nezingane, ababhekene nodlame emakhaya, ngemva kokubhaxabulwa nguDon, amshiye emabokoboko.
I-Betrayal, ibhalwe nguLesley Pearse, lapho eneka isihlava sokuhlukunyezwa kwabesifazane nezingane. Yinoveli ekhuthaza abesifazane ukuthi basukume bathole usizo uma bephila ngaphansi kwengcindezi yokushaywa ngamadoda ayimidlwembe.
Ekhasini 3, u-Eve uthola ulabhabha kumnyeni wakhe okokuqala ngqa, ngemva kokuvakashela eSpain, lapho bethakasela umshado wabo. "Bengingaqondile ukukuphatha kabi," kusho umnyeni wakhe ngemva kokumshaya.
Kuthiwa wonke amadoda angompisendlini, avamise ukusho kanje ngemva kokushaya izithandwa zawo. U-Eve ugcina eziphindisela kumnyeni, otholakala eshe wangqongqa emjondolo ohlala amathuluzi.
Ngemva kwalokho u-Eve, ufuna umsebenzi athuthele kwenye indawo nezingane zakhe.
Ziningi ezinye izincwadi ongazithola kwabase-Exclusive Books https://www.exclusivebooks.co.za
