ISIHLOKO SENCWADI: Children of the storm
UMBHALI: Cavan Barry
ABASHICILELI: Chalk Creation
UMHLAZIYI: Mpume Nzimande
ITHOLAKALA: Exclusive Books
INTANDANE eyingane yomfana futhi engundingasithebeni ebizo layo nguTwelve, ihlangabezana nezinkinga. UTwelve, uphila ezweni elisemaphusheni akhe ngenhloso yokuvala umzwangedwa. Ukholwa wukuthi lapho ahlala khona lihlale liyidliva imvula.
Kuthi engazelele kudume izulu limshaye izandla, bese ethola amandla ayisimanga futhi angajwayelekile. Encwadini ethi Children of the storm, umlobi uCavan Barry, ucikoza ngezimanga zemvelo namandla angajwayelekile futhi angalawuleki kuhle kukaSuperman!
Kuthi uma kufa abantu ngendlela engaqondakali abantu basole uTwelve, bese eboshwa ngamaphoyisa. Kepha, ngenhlanhla yakhe kuba nomsamariya omuzwelayo, amkhiphe ejele.
Yebo, yinganekwane emnandi ekufundisa ngamandla ababazekayo enza izinto ezingaqondakali.
Ziningi ezinye izincwadi ongazithola kwabase-Exclusive Books https://www.exclusivebooks.co.za