UMBHALI: Kerry Washington
ABASHICILELI: Sphere
UMHLAZIYI: Mpume Nzimande
KUBHOBOKA ithumba ngemva kweminyaka ewu-43, azalwa umlingisi , uKerry Washington, wase-USA.
Encwadini ethi Thicker than water, uKerry ukhipha igonyuluka ngempilo yakhe nabazali bakhe.
Ulandisa ngokukhuliswa kwakhe ngaphansi kwemfihlo yabazali bakhe mayelana nendlela nokuzalwa kwakhe
"NgoLwesibili ziwu-13 Ephreli, 2018, ngathola umlayezo uphuma kumama ethi kumele sikhulume...," kubhala uKerry, ekhasini 5.
Yilolu suku olwashintsha impilo yomlingisi lwadalula izimfiihlo namahlazo ngokuzalwa kwakhe. Ngaphandle kwezomndeni, umlingisi ukhuluma ngokungena kwezokulingisa nezingqalabutho asebenze nazo.
Uncoma usizo lwabalingisi abaphambili kusukela kuChris rock, Jamie Foxx, Samuel L Jackson, Eddie Murphy, Meg Ryan nabanye abaningi.
Udalula ubunzima bokuthola usebenzi uma ungumlingisi e-USA futhi uthi baningi abanye abaneqophelo eliphezulu asuke ebanga nabo leyo ndawo.
Ekhasini 188, ubhala kanje ngokulingisa efilimini exoxa ngomlando kaRay Charles umculi ethi, Ray.
“Ngangizimisele ngokuba yingxenye yefilimu ngavela ngabhaka amakhekhe kashokoledi ngapha wonke umuntu, okungimangazayo ngathola kamuva ukuthi uDella Bea Robinson (indawo ayeyilingisa yokuba ngunkosikazi kaRay Charles) wayengakwazi ukubhaka kepha ngagcina ngiyitholile indawo efilimini.
Cishe abaningi basawukhumbula umdlalo wethelevishini The Fixer, lapho wayelingisa indawo ka-Olivia Pope. Uthi ingqumunga yadalulwa ngabazali bakhe ngemva kokuqopha isizini yokugcina yomdlalo.
Le ncwadi ididiyelwe ngaphansi kweziwu-23 ezihlaba umxhwele ngabakwa-Exclusive Books.
