MHLELI: Ngisukuma nokubongela ezikaMagebhula (Orlando Pirates) ngokunqoba indebe yeMTN8. Basebenzile abafana. Simbongele kakhulu unozinti wethu uSipho Chaine. Ube liqhawe kakhulu ngomsebenzi awenzile, izinto zaba lula.
Singajabuli bese senze sengathi amaphutha asiwaboni uma sinqobile, siwabone uma sidliwe.
Le nto yokuthi umqeqeshi wePirates, uJose Riveiro, adlalise uDeon Hotto ohlangothini lwesobunxele emumva, ekubeni izitobha sinazo kayiyinhle yize engawenzanga amaphutha uHotto.
Umqeqeshi ujika ukhipha uBandile Shandu kwesokudla, ufaka uPaseka Mako odlala ngesinxele, nakho kungixakile. Kuba nzima ukusebenzisa unyawo lwesokudla kuPaseka. Izosilimaza le nto yakhe.
Unokwenza abadlali bengabi nakho ukuzethemba ngoba namuhla ubophela lona, kusasa kube womunye. Umdlalo uyawuqagela. Kuseyinhlanhla nje anayo ngoba lezi zinqumo azithathayo azizinhle.
MJ Mkhangisi
ENHLOPHENI