INCWADI:Statues and storms : leading through change, UMBHALI:Max Price
ABASHICILELI: Tafelberg
AKULULA ukukhohlwa imibhikisho yezitshudeni zakuleli. Kunzima futhi nokulibala umbhikisho wokugcoliswa kwesichuse sikaCecil John Rhodes, owawubizwa ngeRhodes must fall (RMF) owenzeka ngo-2015, eNyuvesi iCape Town, nowango-2017 weFees Must Fall (FMF).
UDkt Max Price, ulandisa ngezigameko ezenzeka emibhikishweni yezitshudeni uhlanganisa nowango-2017, weFees must fall (FMF) ngesikhathi befuna kungakhokhwa emanyuvesi akuleli. Ngokusho kukaPrice, umbhikisho wawungahlangene nesichuse kepha wawuqondiswe emlandweni wenyuvesi wokucwaswa kwezitshudeni zabamnyama.
UPrice ubhala kanje ekhasini 13:"Waba wundabuzekwayo umbhikisho owawugxeka ukubekwa kwesithombe sikaCecil Joh Rhodes, e-UCT ngo-2015. Wakuveza obala ukushuba kwesimo ngenxa yemigomo yobandlululo eyayisetshenziswa enyuvesi futhi ugxeka ukucothoza koshintsho emanyuvesi ayeqhakambisa impilo yabamhlophe eNingizimu Afrika."
Ngokusho kukaPrice, umsuka wemibhkisho emanyuvesi akuleli yimigomo elawulayo esuselwe kwinqubo yobandlulelo
Uyavuma uPrice ukuthi izitshudeni zaziqinisile ngokucothoza kwezinguquko emanyuvesi akuleli. Yize sagcina sisusiwe isichuse sikaRhodes kepha kwasala insila yobandlulo eyenza ukuthi kubheduke okunye ngo-2017.
Ungaphuthelwa yizincwadi eziwu-23 eziqokwe ngabakwa-Exclusive Books, njengezidlisayo nonyaka.
Ziningi izinhlobo zezincwadi ongazithola kwi-https://www.exclusivebooks.co.za