KUDELE umakhasane abasiki bengqephu bephume ngobuningi babo bezokhangisa imisiko yabo kwindumezulu yomhajo wamahhashi iHollywoodbets Durban July.
Isiqubulo sakulo nyaka esithi, Show Me The Honey, sitolikwe ngezindlela eziningi, njengoba abanye bebeshaya ngemisiko enemibala eyigolide nokumnyama, abanye bathe thasi ngezinyosi.
#HDJ Sebekhethiwe abahambe phambili ngemhelane evelele namuhla, noMnuz Nhlanhla Dlamini waseMgungundlovu uwine uR20 000 womsiki wengqephu ovelele noSlindile Ndlovu naye waseMgungundlovu uhlomule ngoR30 000 @hollywoodbetsdurbanjuly pic.twitter.com/7doykUMhJN
— Isolezwe Newspaper (@IsolezweNews) July 2, 2022