Uzovulwa ngobumnandi unyaka eBirchwood Hotel eBoksburg, ngoJanuwari 1 emcimbini iNew Years Day Gardens.
Le ndumezulu izobe ibophele abaculi noDJ, abahlukene okubalwa kubo uDumi Mkokstad, Kelly Khumalo, Ntando, Wilson B Nkosi, T-Bose, DJ Young, Sentle Lehoko, Paul Mtirara nabanye abaningi.
Amathikithi atholakala eComputicket ngemali eqala ku-R200.
Umhleli wawo, oseneminyaka elinganiselwa ku-20 enza imicimbi uGregory Hlatshwayo, uthe uwusele kwebizwa nge-Exclusive White Movement.
“Abahambela ifestivali bayazi ukuthi njalo uma ngenza imicimbi iba yimpumelelo ibashiya nesikhathi abangasoze basikhohlwe ngoba bagcina ngokuncokola bangagcini ngokubheka abaculayo kuphela,” kusho uHlatshwayo.
UHlatshwayo muva nje ubenze umcimbi i-Exclusive White enkundleni yekhilikithi eBenoni.
Wenze omunye umcimbi iMetro FM Heatwave e-Emperors Palace Ekurhuleni ngoDisemba 21.
Uthe uyajabula ngokusebenza neMetro FM futhi ubengaqali ukubambisana nayo okuyizinkomba zokuthi kukhona okuhle akwenzayo.