UMSAKAZI weMetro FM, uLerato “LKG” Kganyago Ndlala, useveze isithathu eseminze wangaba wuvanzi emicimbini ukuyonandisa khona kulo nyaka.
ULerato, ophinde abe nguDJ, wethula uhlelo i-The Midday Link Up noProverb ngo-12 kuya ku-3 ntambama phakathi nesonto.
Le ntokazi eke yaba wuzime, ithe lo nyaka uke waba nezingqinamba kuyo.
“Kodwa sithenge amabhilidi ambalwa nenxanxathela yezitolo ePitoli. Ngifunda lukhulu kumyeni wami yingakho bengenza imisebenzi emincane,” kusho uLerato.
ULerato ushade nosomabhizinisi uThami Ndlala, kanti kuvela ukuthi baseholidini eDubai.
Phambilini, wake waveza ukuthi usenendawo yokudla nehhotela eGoli.
“Sesijahe kabi ukuthi nize nizokweseka uhambo lwethu olusha ngoba niwumndeni wethu futhi sihlale sikubonga ukwesekwa yini nemithandazo yenu. Sizonazisa uma sesivula ngokusemthethweni. UNkulunkulu ulokhu esithwele njalo. Siyanithanda,” kuphetha uLerato ekhasini lakhe le-Instagram.