INTOKAZI eke yabonakala ilingisa emdlalweni iSkeem Saam ne-Isipho, uMbali Mavimbela nguyena ozolingisa indawo ephambili kaHlomu, emdlalweni owuchungechunge i-The Wife.
Lo mdlalo iziqephu zawo zokuqala ezintathu zizoqala ukukhonjiswa kwiShowmax, uzoqala ukubonakala ngoNovemba 11.
Abalingisi balo mdlalo baqale ukwethulwa ngesonto eledlule nokukhona kubona uKwenzo Ngcobo, Sipho Ndlovu, Abdul Khoza, Mondli Makhoba, noThulane Shange.
Izolo abanye abamenyezelwe kubalwa uBongani Gumede, Dumisani Dlamini, Siyabonga Shibe noZikhona Sodlaka.
Umbhali nomsunguli walo mdlalo uDudu Busani-Dube, uthe uchithe isikhathi esiningi nalaba balingisi abasha abalingisa izindawo eziphambili nala abone khona ukuthi bayamangalisa.
“UMbali noBonke ngichithe esiningi isikhathi nabo, basha kulo mkhakha, ngakho ke ukubenza babe nalokho kusondelana kwenze umsebenzi waba lula, futhi angingabazi ukuthi ngabalingisi abayibona, bazokwenza umsebenzi omuhle,” kuchaza uDudu.
Lo mdlalo uqoshwe inkampani iStained Glass.