INTANDOKAZI yabalandeli be-Orlando Pirates, uPatrick “Tito” Maswanganyi, isethubeni lokuphuma inyinyitheka yimiklomelo uma sekugixabezwa abadlali abenze kahle ngesizini yeDStv Premiership ka-2023/2024.
Izolo iPremier Soccer League (PSL) imemezele abadlali, abaqeqeshi nonondweba abaqokelwe imiklomelo eyahlukene. Baningi abadlali abaqokelwe eminxeni eyahlukene nokubabeka ethubeni lokugoduka nemiklomelo engaphezu kowodwa. UMaswanganyi, osephenduke isithandwa sabalandeli beZimnyama, uqokwe eminxeni emine okungoweMTN8 Last Man Standing azowubanga nozakwabo eqenjini, uZakhele Lepasa, nonozinti, uSipho Chaine. Laba badlali basize iPirates yawina indebe yeMTN8 emuva kokwehlula iMamelodi Sundowns kowamanqamu eThekwini ngasekuqaleni kwesizini. UMaswanganyi uqokelwe nomklomelo weNedbank Cup Player of The Tournament, DStv Premiership Midfielder of The Season noweDStv Premiership Players Player of The Season. Lo mdlali, osebizwa nge-Ambulensi yaseTembisa, uzobanga oweDStv Midfielder of The Season noSanele Barns weRichards Bay noDevin Titus weStellenbosch. Emklomelweni wePlayers Player of The Season, kuzofanele ahlule u-Iqraam Rayners weStellenbosch noRonwen Williams ongunozinti weSundowns. Nakuba eqokelwe imiklomelo emine uMaswanganyi, abalandeli bebelindele ukuthi uzobalwa kwabazobanga oweFootballer of The Season ngenxa yemisebenzi yakhe kweZimnyama kule sizini. Lowo mklomelo uzobangwa nguWilliams, Rayners noTeboho Mokwena weSundowns okusuke umsindo ngesikhathi ewuwina ngesizini edlule.
Ngokuqokelwa umklomelo weFootballer of The Season, uWilliams usethubeni lokuba ngunozinti wesithathu ozowuwina kusukela kwasungulwa iPSL ngo-1996. Abanye onozinti abawudla lo mklomelo ngu-Andre Arendse ngesizini ka-2001/2002 emuva kokuwina iligi neSantos yaseKapa no-Itumeleng Khune weKaizer Chiefs okhale wemuka nawo ngesizini ka-2012/2013. Umdlali odle umhlanganiso uqokwa ngabaqeqeshi bamaqembu angu-16 ayibamba kwiPremiership. URayners ngomunye wabadlali abaqokelwe imiklomelo eminingi kwiPremiership. Ngaphandle koweFootballer of The Season, uqokelwe oweCarling Knockout Player of The Tournament, Nedbank Cup Player of The Tournament noweDStv Premiership Players Player of The Season.
Imiklomelo yePSL imi kanje:
Assistant Referee of The Season:
Cledwin Baloyi
Lalelani Mngadi
Romario Phiri
Referee of The Season
Sikhumbuzo Gasa
Philangenkosi Khumalo
Abongile Tom
DStv Diski Challenge Player of The Season
Jody Ah Shene (Cape Town City)
Ntando Nkosi (Mamelodi Sundowns)
Langelihle Phili (Stellenbosch)
MTN8 Last Man Standing
Sipho Chaine (Orlando Pirates)
Zakhele Lepasa (Orlando Pirates)
Patrick Maswanganyi (Orlando Pirates)
Carling Knockout Player of The Tournament
Thabo Moloisane (Stellenbosch)
Iqraam Rayners (Stellenbosch)
Devin Titus (Stellenbosch)
Nedbank Cup Most Promising Player of The Tournament
Shandre Campbell (SuperSport United)
Relebohile Mofokeng (Orlando Pirates)
Devin Titus (Stellenbosch)
Nedbank Cup Player of The Tournament
Tshegofatso Mabasa (Orlando Pirates)
Patrick Maswanganyi (Orlando Pirates)
Iqraam Rayners (Stellenbosch)
DStv Premiership Goalkeeper of The Season
Badra Sangare (Sekhukhune United)
Sage Stevens (Stellenbosch)
Ronwen Williams (Mamelodi Sundowns)
DStv Premiership Defender of The Season
Grant Kekana (Mamelodi Sundowns)
Deano Van Rooyen (Stellenbosch)
Tapelo Xoki (Orlando Pirates)
DStv Premiership Midfielder of The Season
Sanele Barns (Richards Bay)
Patrick Maswanganyi (Orlando Pirates)
Devin Titus (Stellenbosch)
DStv Premiership Young Player of The Season
Shandre Campbell (SuperSport United)
Relebohile Mofokeng (Orlando Pirates)
Ime Okon (SuperSport United)
DStv Premiership Players Player of The Season
Patrick Maswanganyi (Orlando Pirates)
Iqraam Rayners (Stellenbosch)
Ronwen Williams (Mamelodi Sundowns)
DStv Premiership Coach of The Season
Steve Barker (Stellenbosch)
Rhulani Mokwena (Mamelodi Sundowns)
Jose Riveiro (Orlando Pirates)
Footballer of The Season
Teboho Mokoena (Mamelodi Sundowns)
Iqraam Rayners (Stellenbosch)
Ronwen Williams (Mamelodi Sundowns)