Kulindeleke ukuthi uqale futhi umshikashika wecala lokufa kowayengunozinti we-Orlando Pirates neBafana Bafana, uSenzo Meyiwa namuhla eNkantolo eNkulu, ePitoli. UMeyiwa wadutshulwa wabulawa ekubo kwentombi yakhe ewumculi uKelly Khumalo , eVoloorus,eGauteng ngo2014.
Amehlo athe njo kuleli cala njengoba abaningi befuna ukwazi okwenzeka ngobusuku okwabulawa ngalo isilomo sikanozinti
Kushushiswa abalisa abahlanu abasolwa ngokudubula babulale uMeyiwa kodwa bayawaphika wonke amacala abathweswe wona. Kulindeleke ukuthi umholi wabaphenyi becala uBrigadier Bongani Gininda, abuyele ebhokisini lofakazi alandise inkantolo ngamaphuzu abami ngawo njengoba bebophe abamangalelwa.
Icala ligcine ukungena enkantolo ngasekupheleni konyaka odlule lapho okwagula khona ummeli wabamangalelwa u-Advocate Thulani Mngomezulu laguqa. Icala libuya nje ummangalewa wokuqala uMuzikawukhulekwa Sibiya ngesonto eledlule ugwetshwe iminyaka eyishumi ngamacala ezidakamizwa nezinhlamvu zesibhamu.