WILLEM PHUNGULA
AYISEKHO emhlabeni inkosi yesizwe saseNhlangwini eHighflats, uMntwana uMelizwe Dlamini. Ngokuthola kwaleli phephandaba inkosi ikhothame namhlanje ngoLwesihlanu emuva kokudunguzela isikhathi eside. Izindaba zokukhothama kwenkosi ziqinisekiswe ngokhulumela isizwe saseNhlangwini, uMntwana uMqondisi Dlamini. Uthe imininingwane egcwele izomenyezelwa kusasa ngoMgqibelo noma ngeSonto emuva komhlangano womndeni.