USOMATEKISI obedume ngobukhazikhazi uhlaselwe oshayasibhamu elokishini eMeadowlands ngempelasonto.
Oshayasibhamu bavimbezele uKwanele "MKZ" Makwanza, phakathi kwemigwaqo uRev Frederick Modise, eMeadowlands Zone 1, eSoweto.
Umufi ubehamba nge -Audi TT eluhlaza kuhle kwesibhakabhaka, ibhajwe odongeni lomuzi ishayekile ngemuva kugxaza amafutha ngaphansi. Izimbobo zezinhlamvu zibonakala ewindini langaphambili ohlangothini lomshayeli.
UMakwanza obekusoseshini iMDN uphuthunyiswe esibhedlela esiseduze iTshepo Themba eMeadowlands.
Ayicaci imbangela yokuhlaselwa kwakhe kanti amaphoyisa ayaphenya.
“Kuphenywa icala lokubulala kulandela ukuhlaselwa kowesilisa okubikwa ukuthi ungusomatekisi ngeSonto ntabama ngo14h45,” kusho uLieutenant Colonel Mavela Masondo.