AMAPHOYISA aKwaDukuza acela ukufuniswa uScelo Gumede (20) waseGroutville owasuka kubo eyovakashela ubabekazi wakhe eMelville wangabe esabuyela ekhaya ngoMeyi 7, kulo nyaka.
Okhulumela amphoyisa KwaZulu-Natal, uLietenant Colonel Nqobile Gwala, uthe kuqinisekiswe ukuthi ngenkathi uScelo evakashele ubabekazi wakhe wahamba ntambama kodwa wangabuyela ekhaya.
“Namanje usafunwa kanti akwaziwa ukuthi ukuphi. Ubude bakhe bungu-1.7m, uyakhanya ngebala, unezinwele ezimfishane emazinyweni ufake amagolide kanti ngenkathi egcina ukubonakala wayegqoke isikibha esimhlophe, ibhulukwe eli-navy namateku amnyama,” kuchaza uLt Col Gwala.
Uthe kucelwa noma ngubani ongaba nolwazi lokuthi ukuphi athinte uDetective Colonel Mazibuko ku-079 500 0306 noma athinte iCrime Stop ku-08600 10111.