Kubikwa ukuthi sekudutshulwe kwafa imenenja yaserenki yamatekisi nabanye ababili ngaphandle kwenxanxathela yezitolo iMidway Crossing eNewlands West ngoLwesine emini.
Kulesi sigameko kuthiwa kulimale nabanye abayisikhombisa, okuthiwa badubuleke ngesikhathi kusutshulwa.
Kwenzeka lesi sigameko nje, ngoLwesibili kudutshulwe kwabulawa uMnuz Fakazi wakwa-J KwaMashu, naye okuthiwa unamatekisi ahambela kusoseshini wseKenville kanjalo naseNdwedwe. UFakazi uhlaselelwe esitolo sakhe esikulendawo.
Kulesi sigameko kugcine kufa nabanye ababili, bebezozithengela esitolo. Oyedwa ushonelwe endaweni yesigameko, omunye eshonele emtholampilo wendawo, iPoly.