KONKE kumi ngomumo ngomcimbi wangoMgqibelo njengoba uMengameli uMnuz Cyril Ramaphosa, ezonikeza iSilo uMisuzulu kaZwelithini, isitifiketi sobukhosi ngokusemthethweni.
Umcimbi osenkundleni yezemidlalo iMoses Mabhida, eThekwini, kulindeleke ukuba uhanjelwe yizinkulungwane zabantu okubalwa abaholi bezomdabu, abezepolitiki, osomabhizinisi noZulu wonke ephelele.
Kuqashwe amabhasi azothutha izinkulungwane zabantu ezivela ezindaweni ezahlukene. Ngenhloso yokuzama ukulawula isiminyaminya, umasipala weTheku, udalule ukuthi kuzovalwa eminye imigwaqo edolobheni, kuhlelwe nezindawo ezikhethekile zokupaka izimoto ukuze kulawuleke ukuhamba kwabantu.
Kuthiwa amalungiselelo ezokuphepha azoqiniswa kakhulu kusihlwa ngoLwesihlanu, futhi kunemigwaqo ezovalwa phakathi kuka-4 ekuseni no-6 ntambama ngoMgqibelo.
Nalu uhlu lukamasipala olubonisa imigwaqo ezovalwa.
