KUTHOKOZE abaningi ngemiphumela ka-matric yezikole ezizimele njengoba isikhishiwe.
Imiphumela ka-2024 ingu-98.47%, nokuyizinga eliphezulu kakhulu eminyakeni emihlanu kulezi zikole. Bangu-16 304 ababhale izivivinyo zokuphela konyaka.
Kunabafundi abangu-14,990 abafunda ngokugcwele kanye nabangu-1,314 abangafundi okwesikhashana, ababhale izivivinyo ezikhungweni ezingu-275 eNingizimu Afrika yonkana.
IGauteng yiyona ehamba phambili (9 567), ilandelwe iKwaZulu-Natal (2 392) neWestern Cape (2 072).
Bangu-128 kuphela abafundi ababhale ezikoleni ezi-3 eNyakatho yeKapa, kwehle kusukela kwezingu-305 zangonyaka odlule. IFree State inabafundi abangu-188, isuka ku-178 ngonyaka odlule.
Isikole esiku-Upper Highway, eThekwini, iKearsney College, sizuze izinga lokuphasa ngo-100% nokungunyaka we-12 ilandelana sithola le miphumela ngale kwalokho abafundi balesi sikole bathole u-98,5% wathola i-bachelor degree.
Siyabonga Mayibongwe-Nkomo from the class of 2024, is one of many who achieved excellent results in the matric IEB examinations. He shares his best memory from his matric year pic.twitter.com/QlFHHym317
— St Davids Marist Inanda (@InandaSpirit) January 13, 2025
