IZIKHULU zamaphoyisa ziholwa nguNgqongqoshe wamaPhoyisa, uMnuz Senzo Mchunu kanye noKhomishana kaZwelonke weSAPS, uGeneral Fannie Masemola ngoMsombuluko ntambama babhonga emswanini emndenini kaCaptain Mandla Khubisa eSikhaleni, ngaseMpangeni.
UCaptain Khubisa wayengekho emsebenzini ngesikhathi ephendula esigamekweni sokugetshengwa kwendlu yangakubo ngomhla ka-14 kwephezulu.
Kwathi efika, kwaba nokudubulana phakathi kwakhe nabasolwa. Umsolwa oyedwa walimala kabi kanti ngeshwa uCaptain wadutshulwa washona. Unkosikazi wakhe naye walimala kulesi sigameko futhi namanje usesimweni esibucayi esibhedlela.
Abayingxenye yaleli thimba iPhini likaKhomishana kaZwelonke wamaPhoyisa, uLieutenant General Tebello Mosikili, uKhomishana wesifundazwe KwaZulu-Natali, uLieutenant General Nhlanhla Mkhwanazi, kanye noKhomishana woPhiko obhekele iVisible Policing and Operations, uLieutenant General Johanna Mamotheti.