ABEZIMO eziphuthumayo eGoli bathi bayaqhubeka ukuthungatha amakholwa amabili amuke namanzi ngoMgqibelo ebusuku, benenkonzo yenhlambuluko.
Kuthiwa lawa makholwa okungowesifazane oneminyaka engu-18 nowesilisa ona-21 ubudala bamuke emfuleni iKlipriver ngase-Olifantsvlei.
URobert Mulaudzi okhulumela abezimo eziphuthumayo kuMasipala waseGoli uthi baphoqeleke ukuba bawumise umsebenzi wokuthungatha laba ngeSonto ebusuku ngoba besekumnyama kungasasebenzeki ngendlela.
@CityofJoburgEMS Aquatic Rescue Unit together with Police Divers on site setting up preparing to start with the search two missing young people washed away on Saturday night during a Cleansing ritual @CityofJoburgZA @CoJPublicSafety #JoburgSummerSafety pic.twitter.com/be7jKdhliI
— Cojems Spokesperson (@RobertMulaudzi) November 20, 2023
Uthi uphiko lwabo luqalile ngokufundisa abantu ngobungozi bamanzi nokuwela imifula igcwele.
“Kuyaziwa ukuthi ngesonto eledlule sasisemfuleni oseKliptown, sitakula umfana oneminyaka engu-18 ubudala ominze ngemuva kokushibilika angene emfuleni ugcwele,” kusho yena.