KUGCWELE phama enkantolo yeMantshi eThekwini njengoba kuvela ummangalelwa uMfanafuthi Kunene oneminyaka engu-37 ubudala osolwa ngecala lokuklinya, abulale owayesebenza ngaphansi kwakhe, maqede wamgqiba egcekeni lakhe eMaotana, eNanda ngoKhisimusi.
Umufi, uNksz Ayabonga Mjilo, obeqashe eQuarry Heights, ngase-Avoca, kodwa engowokudabuka eHlokozi, wagcina ukubonwa ephila ngiDisemba 24.
Kuvela ukuthi wayesendaweni yokudlela eseMhlanga, iCappello, nokuvela ukuthi wabonakala ephuma maqede umsolwa wamlandela, bangena emotweni eyodwa.
Uphenyo lwamaphoyisa lugcine lusivundulula egcekeni likamsolwa isidumbu sakhe ngoJanuwari 4.
UNdunankulu wesifundazwe uMnuz Thami Ntuli ungomunye wabantu abasenkantolo ngenhloso yokweseka umndeni kamufi.
