I-SOUTH African Broadcasting Corporation (SABC) isimemezele ukuthi iqashe uMnuz Lungile Binza njengeChief Operations Officer (COO) entsha kusuka ngoMashi 1.
UBinza ubebambe kulesi sikhundla kusukela ngoFebhuwari 1, kanti uvala isikhala esivuleke ngesikhathi le nhlangano ikhomba indlela u-Ian Plaatjes ngoJuni, nyakenye.
Imibiko yathi uPlaatjies wamiswa, wagcina exoshwe noMerlin Naicker owayeyinhloko ye-video entertainment, ngemuva kokutholakala necala lokungasho ukuthi inkampani eseceleni eyengamele inkundla yokubuka iziteshi zenhlangano iSABC+ izothola ingxenye yemali yezikhangiso.
UPlaatjies ufake isimangalo kwiCCMA ngokuxoshwa kwakhe.
Ngaphambi kokuthi uBinza aqashwe, ubeyinhloko yophiko lwezobuchwepheshe kuyona iSABC. Uyi-software engineer. Uneziqu ezahlukene okubalwa ezeComputer Science and Mathematical Statistics, Postgraduate Dimploma in Business Administration, nezinye kanti kuyimanje wenza ezobudokotela ezifundweni ze-Ethical Artificial Intelligence.