AMAPHOYISA aseLimpopo asekhiphe umklomelo kaR250 000 ngolwazi oluzoholela ekuboshweni kwababulali beMeya kaMasipala iCollins Chabane.
UMoses Maluleke (56) wahlaselwa oshayasibhamu esemzini wakhe ngoLwesine, kwalimala kabi indodana yakhe eneminyaka engu-18.
“Ngokwemibiko etholwe amaphoyisa, kugasele amadoda amathathu ehlomile emzini weMeya eShikundu Village ngo-7 ebusuku afuna imali ngodli. La madoda asuke lapho adubula abagilwa ngaphambi kokubaleka,” kusho uBrig Motlafela Mojapelo okhulumela amaphoyisa kulesi sifundazwe.
UKhomishana wamaPhoyisa eLimpopo uLt-Gen Thembi Hadebe, wahambela indawo yesigameko wamemezela ithimba elikhethekile elizophenya leli cala.
Uma kukhona onolwazi olungaholela ekuboshweni kuze kugwetshwe abasolwa, angaxhumana nethimba eliphenyayo, Brig (Dr) Chris Mabasa ku-082-469-0739; Lt-Col Ndou on 082-807-2666; Lt-Col Boshomane 079-894-5501; noma Sgt Khosa on 073-616-9888.