ISilo sibuyisele uButhelezi kwesobundunankulu
UNDUNANKULU kaZulu uMfundisi Thulasizwe Buthelezi, neSilo uMisuzulu kaZwelithini Isithombe: SIGCINIWE
Image: Sigciniwe
ISILO uMisuzulu Sinqobile kaZwelithini sesiphinde saqoka uMphathiswa wezokuBusa ngokuBambisana kanye neziNdaba zoMdabu KwaZulu-Natal, uMfu Thulasizwe Buthelezi, ukuba abe undunankulu kaZulu. UButhelezi ufungiswe ngokusemthethweni oNdini, izolo.
UButhelezi akamusha kulesi sikhundla njengoba eke wasibamba ngo-2024 wabe esexoshwa ekuqaleni kwalo nyaka.
Buthelezi waxoshwa emva kwezikhalo zokuthi usebenzisa isikhundla sakhe ukulwa izimpi zepolitiki.
IMbube ibiqhubeka nokukhombisa ukumethemba uButhelezi nangesi khathi exoshiwe esikhundleni njengoba ibimjuba ukuba enze imisebenzi ebalulekile yesihlalo.
Phakathi kwalemisebenzi iSilo saqoka uButhelezi ukuba ahole ithimba laso elalijutshwe ukuba lilwe nemizamo yokuvalwa kwebhange Ithala.