Inkantolo ichithe isicelo seMK

INKANTOLO yoMthethosisekelo ichithe isicelo seMK esiphonsela inselelo ukuqokwa kukangqongqoshe wamaPhoyisa ozobamba, uSolwazi Firoz Cachalia. IMK ibifuna ukuthi inkantolo inqume ukuthi uMengameli, uCyril Ramaphosa, akanawo amandla okuqoka uCachalia ukuba abambe isikhundla ngenxa yokuthi akayena ungqongqoshe.

IMK ibifuna ukuba kuphoqwe uRamaphosa ukuba axoshe ungqongqoshe wamaPhoyisa omisiwe, uMnuz Senzo Mchunu, nokuba kuchithwe isinqumo sokuqoka ikhomishini ezophenya izinsolo ezibhekene noMchunu.Amajaji aseNkantolo yoMthethosisekelo athe iMK ihlulekile ukuchaza ukuthi kungani ijombe ezinye izinkantolo, yafaka isicelo sayo kulenkantolo. Isinqumo senkantolo sethulwe ngoLwesine, emini.