Inkomo noThibela embangweni wezinkomo

OWAYEYIGIDANGOMA likaMtshengiseni "Indidane" Gcwensa, uMntebhosh* "Inkomo Kazwelonke" Buthelezi, ugengqeleza phambili emqhudelwaneni wezinkomo ezinhlanu kwiSomnandi Music Festival.

Inkomo Kazwelonke (O) ihamba phambili ngamavoti angaphezu kuka-4 690. Ezithendeni iNkomo Kazwelonke impintshwe yigidangoma likaKhuzani, uThibela (D) ngamavoti angaphezu kuka-4 200. Igidangoma likaNjabulo Langa, uGodide (L), lilele isithathu ngamavoti angaphezu kuka-3 307.

Indodana kaGadla Nxumalo futhi eyigidangoma lakhe, uQagela (I), isendaweni yesine ngamavoti angaphezu kuka-3 200. UShisamabhodwe (B) odume ngelikaYellow Omega kuMzukulu ulele isihlanu ngamavoti angaphezu kuka-2 236. UNqulwane (P) ogidela uSaliwa uku-6 ngamavoti angaphezu kuka-2 197.

UMashayisa (F), ogidela uSomnandi, unamavoti angaphezu kuka-1 991.UMashuna (G), ogidela uKhuthaza, ulandela ngamavoti angaphezu kuka-1 946. USemfene Nala (C), ogidela uLimit, ukunombolo 9, ngamaphuzu angaphezu kuka-1 544.

UNjoko (R) kaJaiva Zimnike, usendaweni yeshumi ngamavoti angaphezu kuka-1 275.UPhumelela (N), ogidela u-Ali Mgube, uku-11 ngamavoti angaphezu kuka-1 215. UMavuthela (H) weNkosi Yamagcokama useku-12 ngamavoti angaphezu kuka-1 190. UDladla (K) kaSwidi unamavoti angaphezu kuka-1 064.

Endaweni ka-14 kulele uNathi (S),ogidela uGatsheni, ngamavoti awu-1 019. Igidangoma likaBahubhe, uMqadi (J) liku-15 ngamavoti angaphezu kuka-948. UMkhuseli (M) kaNtencane uku-16 ngamavoti angaphezu kuka-872. UYakhani (A) kaMenzi usendaweni kai-17 ngamavoti angaphezu kuka-854.

USomatekisi (Q) kaMdumazi ukunombolo 18 ngamavoti angaphezu kuka-831.Indodana kaMtshengiseni kodwa egidela umfowabo Ithole Lendidane, uNcenga Gcwensa (E) iku-19 ngamavoti angaphezu kuka-808 kanti emsileni kuvale uMaplaza (T) ogidela uMafikizolo ngamavoti awu-782. 

Amagidangoma  avotelwa ngokuthi uthumele iSMS enohlamvu oluseceleni kwegama legidangoma  ku-44447, isibonelo ubhala U bese uthumela ku-44447. Igidangoma elizodla umhlanganiso lizokhala limuke nezinkomo ezinhlanu kuthi elilale isibili lithotshwe inhliziyo ngezimbuzi ezinhlanu.

Umgqugquzeli walo mqhudelwano,  uSomnandi, uthe igidangoma elizodla umhlanganiso lizomenyezelwa kwi-4th Somnandi Music Festival, ePrince Mangosuthu Airport, oLundi ngoDisemba 20.

Kulo mcimbi kuboshelwe uThokozani Langa, Soul Brothers, AmaQ Twins, Ntencane, Menzi, Gatsheni, uMafikizolo, Mshiniwemali, Linda Gcwensa, Limit, Saliwa, Mzukulu, Njabulo Langa, Luve Dubazane, Skhumba STS, Stability, Bhasini, Quality, Mlabalaba, Mashelela noJikelele.

Laba baculi bayosina bededelana kusukela ngo-1 emini kuze kulamule u-6 ekuseni ngakusasa. Amathikithi aseyatholakala eShoprite Checkers, Spar, TicketPro naseComputicket ngo-R100, R150 nango-R500.