Ofishi abancane badla abakhulu emqhudelwaneni kaTshatha

LIGAYA ngomunye umhlathi kubaculi nakubaphathi bezinhlelo abadlana imilala kwiTshatha Music Festival ezoba seLindizwe Stadium, kwaNongoma ngoDisemba 29.

KwiiTop 10 yabaculi  ababanga isiteki sikaR175 000, ozihola phambili yivukane elibizwa ngoMthembeni ngamavoti awu-1066, isibili uMashampula ngamavoti awu-572, isithathu uMfokamsezane ngamavoti awu-524, isine AmaNND ngamavoti awu-418, isihlanu uMashwabana ngamavoti awu-343, isithupha uMayoghurt ngawu-241, isikhombisa uKasi Shandis ngawu-204, kwisishiyagalombili uSokolisa ngawu-191, kwisishiyagalolunye uMashelela ngawu-185 bese iJongelihle libe endaweni yeshumi ngamavoti awu-176.

Selulonke uhlu lwabaculi oluqhudelana kuCategory 1 lumi kanje: Ntencane TMF 01, Stabilithi TMF 02, Mthembeni TMF 03, Mdumazi TMF 04, Jaiva TMF 05, AmaNND TMF 06, Maganga TMF 07, Mayoghurt TMF 08, Msezane TMF 09, Khandalenja TMF 10, Mbeje TMF 11, Swidi TMF 12, Mjolisi TMF 13, Ijongelihle MTF 14, Cmbero MTF 15, Masampula TMF 16, Magoqa TMF 17, Kasi Shandisi TMF 18, Mlabalaba TMF 19, Njabulo Langa TMF 20, Mashelela TMF 21, Nqola TMF 22, Mashwabana TMF 23 noSokolisa TMF 24.

Umculi ozodla umhlanganiso uzoklonyeliswa ngoR100 000, ozolala isibili awine  uR50 000 bese ophume endaweni yesithathu athole uR25 000.

KwiCategory B, lapho  abaphathi bezinhlelo zasemicimbini bebanga khona isiteki sikaR160 000, kusahamba kanje:

Phambili kuhleli uMtshali Ongenamoto TMF 35 ngamavoti awu-3132, isibili Umsakazi Ongadumile TMF 25  awu-2383, isithathu nguBhutiza Wodumo  TMF 26 awu-2103, isine uZama Mseleku TMF31 ngamavoti awu-1963, isihlanu uKiss Before TMF 33 ngamavoti awu-1502, isithupha uLondi Gazu TMF 34  ngamavoti awu-1053, isikhombisa uNdu Zuma TMF 28 ngamavoti awu-903, isishiyagalombili Isehlulampisi MTF 27 ngamavoti awu-862, isishiyagalolunye Ishinga LasoLundi TMF 29 ngamavoti awu-852, endaweni yeshumi uMafresh TMF 36 ngamavoti awu-522, ku-11 uModelkazi TMF 30 ngamavoti awu-383 bese endaweni ka-12 kube uWelcome Ntombela TMF 32 awu-366. 

Umphathi wohlelo ozobaqwaqwada emakhanda uzoklonyeliswa ngoR80 000, ophume isibili awine uR50 000. UTshatha unxuse abazovota ukuba bangakhohlwa ukushiya isikhala phakathi kwegama elithi TMF nenombolo yeciko.

Uthe bonke abavotelwayo abaphoqwanga kodwa kuvunyelwene nabo. "Kafushane nje isaziso sibalula ukuthi bonke abaculi abangenele umncintiswano, bashayelwe ucingo bavuma ukungenela." Kubabaculi abazobe beshiyelana inkundla kubalwa uKhuzani, Big Zulu noMthandeni SK. 

"Umlandeli ozovota kakhulu uzowina iselulafoni nesithole sensikazi,  inkomo le ethi mo .Ukuvota, uthumela i-code yomculi ku -33622. Kanti iSMS ibiza uR1.50 kuphela," kusho umgqugquzeli walo mcimbi uTshatha Ngobe osakaza uhlelo lwantambama oKhozini.