INCWADI: Saving South Africa
ABABHALI: Chris Pappas noSandile Mnikathi
ABASHICILELI: Pan MacMillan South Africa
UZISHAYA isifuba uChris Pappas, umholi weDA KwaZulu-Natal, ngokuphatha uMasipala uMngeni ngendlela efanele, nokulwa nenkohlakalo. Ukholwa wukuthi uyisibonelo esihle kwabanye abaholi.
UChris Pappas noSandile Mnikathi balandisa ngokuzibophezela kwabo ekutheni baphucule indlela yokuphathwa kukamasipala waKwaZulu-Natal, ngemva kokuthi uPappas ethathe izintambo.
Encwadini ethi Saving South Africa, ababhali bahlaba ukuphathwa komasipala abaningi yizimenenja kanye nabaholi bezepolitiki abangayilandeli imigomo efanele yokuphatha.
Bakuhlaba bakuhlikize ukugcogcoma kwalaobo abafuna amathenda ngenkani ngokuthi basabise abanye abantu nokudala uthuthuva esifundazweni.
