INCWADI: Water
UMBHALI: John Boyne
ABASHICILELI: Penguin Random House UK
UYABALEKA unkosikazi uma umyeni wakhe ephoswa kwalasha ngemva kokulahlwa wuxhaxha lwamacala. UVanessa Carvin utheleka esiqhingini ngemuva kokubaleka eDublin, bese ezishintsha igama azibize ngoWillow Hale.
Uqasha indlu enegumbi elilodwa bese ezama ukuphumula kepha imicabango yakhe imbuyisela emuva ekhaya.
Ubaleka nje, bese ephenduke undabuzekwayo emphakathini futhi esolwa ngokuthi uyayazi imikhuba yomyeni wakhe. Uyaphoqeleka ukuthi azifune, abheke unembeza ngezinqumo azithathile ngesikhathi esashadile. UVanessa ubhekene nenkilayitheka.
Akukho simanga esitheni ngenoveli, ixoxa ngezinselelo zabesifazane abathwaliswa amacala amadoda abo. Kepha isibopho somshado sithi, “ebuhleni nasebubini”.
