INCWADI: The near north
UMBHALI:Ivan Vladislavic
ABASHICILELI: Picador Africa
UMBHALI u-Ivan Vladislvic, uxoxa ngempilo yabantu abahlala emadolobheni aseGoli. Uchaza ngempilo yakhe nomkakhe uMinky. Bathanda ukushintsha izindawo abahlala kuzona ngenhloso yokufunda imikhuba nenqubo yabantu abehlukene.
Encwadini ethi The near north, umbhali u-Ivan ongowaseNingizimu Afrika, uthinta izihloko ezehlukene njengokucishwa kukagesi ngenhloso yokuwonga, nokugasela kweCovid-19.
Empeleni incwadi ilandisa ngesikompilo lasemadolobheni ahlukene aseGoli. Yilapho abantu benza izinto ngezindlela ezihlukene futhi akekho ogade omunye.
Umlobi uchaza nezinselelo abhekana nazo ngemva kokushona kukanina, nodadewabo.
Indikimba igcizelela ukuthi yize abantu bephila endaweni eyodwa kepha usikompilo kalufani. Umlobi ulandisa ngendlela abona ngayo ukuziphatha kwabantu. Kepha kungenzeka ukuthi umbono wakhe uhlukile kunowabanye abantu.
Ulandisa ngothando lokutshala izingadi ezindaweni ezehlukene. Kayingichazanga incwadi kepha kusobala ukuthi umbhali uyawuthanda umndeni nempilo yaseJozi.
Ziningi izincwadi ezitholakala kwa-Exclusive Books https://www.exclusivebooks.co.za
