UHLULEKILE ukuzibamba umculi wakuleli waphumela obala ngokuthi akathokozile ngokungatholi neyodwa indondo kowama-South African Music Awards ngoMgqibelo ebusuku.
Umcimbi wamaSAMA ububanjelwe eSun Arena, ePitioli futhi usakazwa bukhoma kwiSABC 1.
Intokazi yakwaKhumalo eyaziwa ngephimbo layo elimtoti ibipikelwe iBest Female Artist kodwa yakhala ngaphansi ihlulwa umculi wowokholo uNtokozo Mbambo.
Kube nemizwa ehlukile kubantu ezinkundleni zokuxhumana, babodwa abebencoma ukuhluleka kukaKelly ngoba bemyamanisa necala likayise wengane yakhe owabulawelwa kubo uSenzo Meyiwa, kanti abanye bebethi ngempela okaMbambo ubefanelwe yile ndondo.
UKelly uyaziwa lapha ezitaladini zakwa-X (Twitter) ukuthi akananazi uma kukhona afuna ukukuveza noma kukhona abamehla ngaphezulu. Nakulokhu uphumele obala waveza ukungenami kwakhe ngokuhlulwa ngoba ethi kuyaziwa nokuthi izinombolo ziveza ukuthi umehlula kude unkosikazi kaṆqubeko Mbatha.
Abantu abaningi ezinkundleni zokuxhumana bahlulekile ukuzwelana naye, babodwa abebethi akakwazi ukukhwela adilike kumuntu ozothile njengoNtokozo Mbambo bese kuyathuleka, bazoqinisekisa ukuthi bayamvikela.
Uyalayeka wena Kelly!
— Cellular® (@Cellular_jnr) November 19, 2023
Ai kodwa nawe Kelly🤦♂️ you & drama🤦♂️🤦♂️🤦♂️ pic.twitter.com/BzL0q0WWNw
— Ghost (@PopoAnonymous) November 19, 2023
Ay asinandaba practise izinhlamba uzozidinga eSun city prison vele 😂 😂 😂
— Sipho Dabula (@SiphoDabula) November 19, 2023
Manje okaMntungwa ufuna kwenzakaleni njengamanje? Bephucwe laba abawinile noma kuqalwe phansi? Asikhulume
— Qiniso AS Mtshali (@Qbeatz2kwl) November 19, 2023