Umsakazi ophinde wuDJ, uSol Phenduka, ubonge imiyalezo ayithole kubantu ngemuva kokuba sengozini yemoto eGoli ngoMsombuluko ekuseni.
USol, ongumethuli wePodcast and Chill noMac G kwiYoutube, kuthiwa ube sengozini yemoto eRosebank.
Kwi-video efakwe ezinkundleni zokuxhumana, kubonakala iVW Polo Sedan nenye okungathi yiKia Sportage zishayisene. Kunowesilisa ohlelo phansi ebambe idolo ngemuva.
Speedy recovery to ''The KING of PUN''
— Born Free (@ZaBornfree) July 22, 2024
Sol Phenduka who co host #podcastandchil podcast with #MacG as just been in a vehicle accident in Rosebank. #leak Big Zulu pic.twitter.com/Zefuct3Lv4
USol ubhale ekhasini lakhe kwi-X ukuthi uyayibonga imiyalezo. Uthe uwumqemane.
“Ngivuvukele umunwe ophakathi nendawo kuphela,” kubhala yena.
Thanks for all the messages ❤️ . I'm 100 % percent okay . Just a swollen middle finger .
— Thandubuntu Solomzi (@Solphendukaa) July 22, 2024
USol, ophinde abe wumsakazi ohlelweni lwasekuseni phakathi nesonto kwiKaya FM, uzakhele udumo engenele uhlelo iBig Brother. Uke wakhipha nomculo wasakaza nakwezinye iziteshi zemisakazo nethelevishini.