Imvula namakhaza kuhlulekile ukudunga injabulo kwiLast Dance
UMAFIKIZOLO ecula ingoma ahlukanise ngayo unyaka kuKhozi FM nakuSABC 1
Image: SIBONELO NGCOBO
IZINKUMBI zabantu zidele imvula namakhaza, abeshubisa umnkantsha, zayo hlukanisa unyaka kwiLast Dance Music Experience eRoyal Showgrounds eMgungundlovu izolo namhlanje. Iningi lisizwe ukuzihlinzeka ngama-ambrela, oseyini notapolo.
Bonke babheme bakholwa wumculo obuqhululwa ngamaciko ahlukahlukene okubalwa kubo uMafikizolo, Jazzworld & Thukuthela, Dlala Thukzin, Zee Nxumalo, DJ Maphorisa, GL CeeJay, Dladla Mshunqisi, Big Zulu, Blaq Diamond, Skillz, Nkeshemba, Jumbo, Ayanda Ntanzi, Naledi Aphiwe, Mawelele, Goldmax, Professor, Nobuhle, Zakwe, Duncan, Pyramid & Noma Khumalo, DJ Sox, DJ Happygal, Mngadi, AmaSiblings, Stibobo, Luvabdi, Malini, Fey M, Dura, Mvuselelo Buthelezi, Cheese, Lucy Lu, Mzala Wa Africa, Chofy, Sonnet, Catc, Mcypo, Louis Hendricks nabanye abaningi.
Uhlelo beluphethwe ngokubambisana nguMroza, Mafresh, Njinji, Bingelela Mpanza, Jabulani Shandu noJustice Kubheka. Ngaphambi kokuba kumenyezelwe ingoma ehlukanise unyaka ngo-12 ebusuku kuKhozi FM nakuSABC 1, okungekaMafizolo ethi Uyoncengwa Unyoko, umcimbi uqale ukusakazwa bukhoma kuSABC 1 ngo-9. Ngaleso sikhathi uhlelo beluphethwe wuRobot Boi noNomalanga Shozi kanti kuKhozi bekusakaza uTshatha Ngobe noSthandwa Nzuza.
Izithameli zibuye zajabulela ukubona owayengumsakazi woKhozi kodwa osenguMengameli wamabhinca uNgizwe Mchunu,obehambisana noMntebhosh* Buthelezi. Okunye okuchaze abantu yintokazi yasesigodini saseNkululeko kwaSwayimani, u-Akhona Msimango, obizwe wuBig Zulu ukuba bacule ingoma ethi Amacala Othando.
U-Akhona usivale thaqa isikhala sika-Azana kule ngoma ekubeni abemcaphune ezihlweleni. Zibe ncane iziwombe lapho ingalo yomthetho ike yagxavuna ongoma uyayona.
UNKESHEMBA
Image: SIBONELO NGCOBO
SYKES
Image: SIBONELO NGCOBO
NALEDI APHIWE
Image: SIBONELO NGCOBO
KUSEBENZE ama-ambulela notopolo imvula iyidliva
Image: SIBONELO NGCOBO
EZINYE izithameli zisizwe ukuswenka ngotapolo noseyili
Image: SIBONELO NGCOBO
ABANTU bekhuza u-Happy New Year
Image: SIBONELO NGCOBO
ABASAKAZI boKhozi FM uMroza, Bingelela noMafresh
Image: SIBONELO NGCOBO
MAWELELE noNALEDI APHIWE
Image: SIBONELO NGCOBO
UDLADLA Mshunqisi nabadansi bakhe
Image: SIBONELO NGCOBO
UZEE Nxumalo nabadansi bakhe
Image: SIBONELO NGCOBO
UDJ MAPHORISA
Image: SIBONELO NGCOBO
UBIG Zulu ecula ngokuhlanganyela no-Akhona Msimango ingoma ethi Amacala Othando
Image: SIBONELO NGCOBO
YINGXENYE yezinkumbi ebezibuthene kwiLast Dance
Image: SIBONELO NGCOBO