Ezokungcebeleka

Kuqhilika izihlathi kuSweet Guluva no-Ashley

Charles Khuzwayo|Published

USweet Guluva

Image: Sigciniwe

 

IMPELASONTO esiphuma kuyo ibe ngemtoti ku-Akhonamathemba "Sweet Guluva" Zwane nobeyintombi yakhe u-Ashley Ogle behlabana ngemiklomelo.

USweet Guluva oyingqwele yanyakenye yeBig Brother Mzansi, uhlabane ngezindondo ezintathu emiqhudelwaneni emikhulu kuleli.

Uqale ukudla umhlanganiso kumaSouth African Social Media Awards, eMosaïek Teatro/Lifestyle eRandburg, eGoli, ngendondo yeBest Social Media Newcomer neyePeople's Choice.

Kulo mqhudelwano uwine nobeyintombi yakhe u-Ashley Ogle okhale wemuka nomklomelo wePopular Hashtag of the Year nowe-Emerging Social Media Personality of the Yea. USweet Guluva uphinde wahlabana ngomklomelo weBest Male TV Personality kumaNational Film and Television Awards South Africa eState Theatre ePitoli ngoMgqibelo.